మ్యాంగో తోట

మ్యాంగో తోట లో థెఫ్ట్ అంటే హ్యాంగ్ చేయకుంటే ఎలా !
హే ! మేకిట్ అఫిషియల్ ! అందుకే పంచాయితీ ఆఫీసులో !
హి డెడ్ నా ! కూల్ బ్రో ! నవ్ లెట్ మీ ఎలౌ టు సే అబౌట్ మ్యాంగో 
మ్యాంగో ఎప్పుడూ రాజఫలం తంబీ ! కూలోళ్ల కాయ కాదు !
ఎప్పుడైనా ఆ కలర్ చూశావా ! పచ్చగా ఎంత మిసమిస లాడుతుంతో !
అది “అగ్ర” తాంబూలం అందుకొనే ఫ్రూట్ యార్ !
కింద రాలింది అంటే ఎంత నష్టం !
కిందకొచ్చింది కదా అని నువ్వుందుకుంటే ఎంత కష్టం !
నువ్వేదే నల్ల నేరుడుకాయ తింటే సరే కానీ !
మ్యాంగో తినేస్తానంటే ఎలా !
ఆశక్కూడా అంతుండాల్రా ఈడియట్ !
కొడితే ఐ బాల్ కూడా పగిలిందని తెగ బాధ పడుతున్నావు !
బతికున్నప్పుడే కన్నెత్తి చూడటానికి లేదు అంటుంటే
కాటికి పోయాక కన్ను లేదని కన్నీళ్ళు పెడతారేంటి !
కాయ మీద కన్ను పడితే కన్నుపీకటం కామన్ థింగ్ .
ఇన్ ఫాక్ట్ ! ఇట్శ్ ఎ రూల్ ! డోంట్ ఫర్గెట్ !
కాయ, చెట్టు, నేల, నీళ్ళు అన్నీ వాళ్లవే అయినప్పుడు,
ఏవీలేకుండా పుట్టటం నీ తప్పే బ్రో ! సో, హ్యాపీగా చచ్చిపో
అయినా నీ చావు మాత్రమ్ కొంచెం కాస్ట్లీనే గురూ !
నాలుగులక్షలు పలికిందంటగా రేటు !
మోర్ ఓవర్ ! వోల్ స్టేట్ నీ గురించే డిస్కషన్
చావులో సంచలనం క్రియేట్ చేశావు ! వెరీ గుడ్
మారాజు పుటుక పుట్టావు అని ఎవరూ నిన్నింకా దీవించలేదా !
పర్లేదు లే ! చావు నలుగురికి తెలిసింది, మోసేందుకూ నలుగురొచ్చారు !
సో, నీ చావు మారాజు చావే ! ఫీల్ ప్రౌడ్ !
ఇక ఇప్పుడు మ్యాంగోస్ అని సేఫ్ !
ఎటొచ్చి నీలాంటోళ్ళకే డేంజర్ ! ఏమంటావు !
బైదివే ఇక ఎవరైనా మ్యాంగోస్ మీద కన్నేస్తారా !
చావు మారాజు లా వెయిట్ చేస్తుంది మరి !

(మామిడి కాయలు దొంగిలించాడన తూగో జిల్లాలో బక్కి శ్రీను అనే ఒక దళితుడుని కొట్టి చంపిన సంఘటన పై నా స్పందన)