లిబర్టీ ఈజ్ ఎ స్టాట్యూ

లిబర్టీ స్టాట్యూ అయిన దగ్గర ఇంత కంటే
నువ్వుంకేమి ఎక్స్ పెక్ట్ చేస్తావు బాస్ !!
అక్కడేమీ కుడి ఎడమ ల
దగా లేదు, తగాదా లేదు
నువ్వు బాధ పడిపోవటానికి.
రైట్ ఈజ్ ఆల్వేస్ రైట్ అనటానికి
అలవాటు పడిపోయినోళ్ళ కంట్రీ !!
ఎటొచ్చీ రైట్ లోనే వెతుక్కోవాలి
ఏది రైట్ ! ఏది రాంగ్ అని !!
********
ఒంటి చేత్తో ప్రపంచాన్నీ
ఎన్ లైటన్ చేసే కెపాసిటీ
తనకే ఉందని అంకుల్ శామ్
కుడిచేత్తో టార్చ్ లైటేసుకొని
బయల్దేరాక
న్యాయ సూత్రాలన్ని ఎడమ చేత్తో
తీసెయ్యక తప్పదు
ఏడు ఖండాలు వాడి టోపీ మీద
ఈకలు కాకా మానవు.
పోలీసోడి నేమ్ ప్లేట్ మారినంత
మాత్రన డ్యూటీ మారదు.
వాడి చేతిలో లాఠీ మారదు.
లాఠీకున్న పవరూ మారదు
ఎటొచ్చీ ఆ లాఠీ చార్జ్ లోనే వెతుక్కోవాలి
ఎవరు సేఫ్ !! ఎవరు కాదు అని !!
********
తనకు ఎదురు చెప్పటమే
వయలేషన్ ఆఫ్ రైట్శ్ అని
కాళ్లకింద తొక్కిపట్టి
 షాకెల్స్ తో కట్టి పడెయ్యటమే
అల్టిమేట్ పీస్ అంటూ
అల్టిమేటం జారీ చేశాక
పీస్ ఫుల్ వరల్డ్ , అనే డ్రీమ్
సాకారం కాక చస్తుందా !!
గుప్పిట్లో ద గ్రేట్ సీల్ పట్టుకొని
కార్డ్స్ ఆడుకోవటం ఎప్పుడో
స్టార్ట్ అయ్యింది
ఎటొచ్చీ ఆ కార్డ్శ్ లోనే వెతుక్కోవాలి
ఏదీ ట్రంప్ కార్డ్ ! ఏది వేస్ట్ కార్డ్ అని

ఎలక్షణాలు

మూడు తరాలనుండి మోస్తూ ఉన్న మ్యానిఫాస్టో
కొత్త ప్రింట్ అవుట్ తీసి ముందు పెట్టాము
మరో సారి అరచేతిలో చూసుకొని 
క్షణకాలం స్వర్గంలో తేలి పోండి .
మా తాతల కాలంలో ఇచ్చిన హామీలు
చార్మినార్ రేకుల సాక్షిగా
తీరుస్తామని సరికొత్తగా
మరోసారి హామీ ఇస్తున్నాం.
మా తాతలు వేసిన మూడు రంగులు
వెలిసిపోకుండా మా మూతులకు
పూసుకొని తిరుగుతున్నాం ,
వాసన చూసి ఓటేసి వెళ్లండి .

అభివృద్ది అంటాం , అబ్ కీ బార్
అంటాం, వృద్దులను పక్కన పెడతాం
మోడలో. . మోడులో తెలియదు కానీ
మెడలో వేసుకొని తిరుగుతున్నాం .
భారమో.. భార..తీయమో ,
బరువు మాత్రం మోయమంటున్నాం
తలపై మోది, ఆధ్వని రాకుండా, రోదన లేకుండా
మిమ్మలనందరిని ,అందలం ఎక్కిస్తామని
కర్ణాలలో పంకజాలు పదిలంగా దాస్తున్నాం
వాసన చూసి ఒట్లేసి వెళ్లండి

నమ్మకాలు

నాకు తెలుసు నువ్వు ఈ ప్రశ్న అడుగుతావని !!
ప్రతిదానికి ఋజువులు కావాలంటే ఎలా !!
భౌతిక అనుభూతులకు అందని
మానసికానుభూతులు అలా తెలుస్తూనే ఉంటాయి
ఇప్పుడు ఇది ఇలా అనే సిద్దాంతీకరణ చెయ్యలేను
అది అంతా మాయే అనే వేదాంతీకరణ చెయ్యలేను
ఉన్నదున్నట్లు అనుభవించటం తప్ప
తర్క మీమాంసలకు తావెందుకు ??
ఎలా సూత్రీకరించాలా అనే అలోచనెందుకు ??
చెరువులో చేపపిల్ల ఈదిన జాడలు కనిపిస్తాయా !!
నీతో పాటే నడిచే నీడ అడుగులెక్కడో తెలుస్తాయా !!
సరుగుడు చెట్ల మధ్య గాలి ధ్వని విని
అది ద్వంసగీతం అనుకుంటామా !!
దూకే జలపాతాల హోరు విని
అది ఉత్సాహం అనుకోగలమా !!!
ఎప్పటికయ్యది అప్పటికి అనుకుంటూనే
కాలం, దాన్నంటే జీవితం సాగుతుంటాయి
ఏవి కంటికి కనిపించవు, వినిపించవు
అయినా నీకు తెలుస్తూనే ఉంటుంది
నువ్వు ప్రతిస్పందిస్తూనే ఉంటావు

అసలు అన్నీ తెలుసుకున్నాక ఇంకా ఈ ఋజువుల భాషెందుకు ??
మనసులో ఉన్న భావనలకు మనుషుల సాక్ష్యాలెందుకు??
ప్రవాహాల్లో ఎక్కడైనా పాతనీరు చూడగలమా
వీచేగాలిలో ఎప్పుడైనా పురాగంధాన్ని ఆస్వాదించగలమా !!
కాలం ఎప్పుడూ నిత్యనూతనమే !
ప్రతిక్షణాన్ని గతక్షణంతో సంధానిస్తూ
భవిష్యత్తులోకి సాగిపోవాల్సిందే కదా !!
నువ్వైనా, నేనైనా ఈ సంధికాలాని కట్టుబడ్డ
గడ్డిపోచలమే కదా !!
ఉన్నది ఉన్నట్లుగా అనందిద్దాం
లేనిది లేనట్లుగా వదిలేద్దాం
నిజాన్ని నమ్మనంతవరకు అబద్దమే
అబద్దం నమ్మినంతవరకు నిజమే
నిజానిజాలు చూసే కోణాలను బట్టి మారుతూనే ఉంటాయి
నమ్మకాలు ముఖ్యంకానీ, నిజాలు కానే కాదు.
ఎప్పుడైనా సత్యాసత్యాలు క్షణికాలు
నమ్మకాలు మాత్రమే శాశ్వతాలు.
నమ్మాల్సింది మనసునే కానీ
మనుషులను కాదు.

ఝీలం కా ఆలం

ఝీలం నది ఎప్పటిలాగే పారుతూ ఉంది
చీనార్ చెట్లను ఒరుసుకుంటూ….
ఆ చెట్ల చివరన ఎగురుతున్న జెండాలను చూసుకుంటూ….
మౌనంగా, ఉధృతంగా, ప్రవాహంగా ,
తర తరాలుగా పారుతూనే ఉంది
దాని లక్షణం పయనించటమే
ముందుకు వెళ్ళటమే
రెండు ఒడ్లనే కాదు,
రెండు దేశాలను కలుపుతూ
స్వేచ్చగా ,విహంగంలా
పయనిస్తూనే ఉంది.
మేరా ఝీలమ్ !!
వహా కౌన్ హై…… తేరా ముసాఫిర్

********
బలవంతంగా పయనాన్ని ఆపి
నీటికి ఒకటే ఒడ్డని తీర్మానించాక
ఏ ఒడ్డుకు చేరాలో తెలియక దుఃఖిస్తున్న
గుల్ మార్గ్ కన్నీళ్ళు కలిసి
స్వచ్చమైన ఝీలం నీళ్ళన్నీ
గడ్డకట్టి బిగుసుకుపోయాయి
ఊపిరందని నీటి పక్కన నిలుచున్న
చీనార్ చెట్లు కూడా
ఒక్కొక్కటిగా కూలుతున్నాయి
చెట్లతో పాటే పాతిన జెండాలూ.
ఎవరి ఒడ్డు కోసం వాళ్ళు యుద్దం చేసుకుంటుంటే
నది భయంతో తన ప్రవాహం మరిచిపోయింది
ఝీలమ్,…..ఝీలమ్…. డూండ్ తేరా కినరా

*********

లాల్ చౌక్ నుండి లాల్ ఖిల్లా
రోజు రొజు కీ దూరం జరుగుతోంది
కారణం తెలియని ఖిలాన్ మార్గ్
ఎటు వెళ్లాలో దిక్కుతోచక నిలబడుంది
పచ్చటి కాశ్మీరమంతా ఎక్కడ చూసినా
* బిచ్చూ బూటీ లే నేలంతా పరుచుకుంటున్నాయి
వళ్ళంతా గాయాలు చేస్తున్నాయి
కట్రామీదుగా వీచే గాలులన్నీ కుట్రలేనని
హారా రంగ్ మాయ చేస్తుంది
బందీపురా పైనుండి కురిసే బుల్లెట్లకు మందు
హిమాలయాలకు కాషాయపు రంగులద్దటమే
అని డిల్లీ షెహన్షా నమ్మబలుకుతున్నాడు
ప్రవాహం మరిచిన ఝీలం
ఒడ్డుకోసం ఎదురు చూస్తుంది
అరే మేరీ సజనోం !!
ఝీలంకా ఆలం సంఝా కరో…………

* బిచ్చూ బూటీ = కాశ్మీర్ లో పెరిగే ఒకరకమైన విషపు మొక్క.

సీనరీ ఆఫ్ సన్

సరే !! ఇయ్యన్ని పక్కనెట్టి
ఈస్ట్ లో రైజింగ్ సన్ను ను సూడు
ఎర్రగా ఆషాడ మాసం లో అమ్మాయి
పెట్టుకొన్న గోరింటాకు లా మెరుత్తున్నాడు
కూసంత మనసులో కళాపోసనేసుకోని సూడ్రా !!
ప్రపంచం ఆశలన్నీ కళ్ళల్లో పెట్టుకొని
జాబ్ కోసం కొత్తగా బస్తీలో ఎర్రబస్సు దిగే కుర్రాడి
అమాయకపు నవ్వులా ఎలిగిపోతన్నాడు
సీ యార్ !!
దిస్ సీనరీ ఆల్వేస్ రాక్స్

********

లుక్ ఒన్స్ ఎగైన్ ఇన్ ద స్కై
ఈస్ట్ నుండి పైకి జరిగే కోద్దీ
ఎర్రసూరీడు తెల్లసూరీడుగా చేంజ్ ఓవర్ అవుతుంటాడు
గోరింటాకు తడి ఆరిపోయి రాలిపోతుంటది
రక్తహీనత తో చేతులు తెల్లగా పాలిపోయుంటాయి
ఒరేయ్ ! కళాపోసనే కాదు రా
ఉదరపోషణ కూడా కావాలి
బస్తీ కొచ్చిన కుర్రాడి కి అడుక్కో హర్డిల్
హర్డిల్ కో అవమానం
మంటెత్తిన సూరీడు నిండా నిప్పులు కురిపిస్తాడు
బ్లోయింగ్ సన్ ని సూడలేక
కంటి నిండా నీళ్ళు చిప్పిల్లుతాయి
బిలీవ్ మీ బాస్
అల్వేస్ టియర్స్ ఆర్ పెయిన్ ఫుల్

*******

వైప్ యువర్ టియర్స్ అండ్ లుక్ దేర్
మిడ్ ఆఫ్ ది స్కై నుండి
సూరీడు వెస్ట్ కి జారటం స్టార్ట్ చేస్తాడు
నడిచి నడిచి సూరీడు అలిసిపోయి
చెమట తాగేస్తుంటాడు
ఓన్లీ ,లోన్లీ సన్
ఏడ్చి ఏడ్చి నిస్సహాయంగా
కూలబడ్డ అమ్మాయి ఎర్రటి కళ్ళలా ఉంటాడు
మనసులో కూసంత మడిసినేసుకు సూడరా !!
ఆశలన్నీ రాలిపోయి , బస్తీ లో బతకలేక
తిరిగి ఊరొచ్చిన బస్సు రేపిన ఎర్రటి దుమ్ము లా
మసగ మసగ్గా అగుపడతాడు సూరీడు
ట్రస్ట్ మీ
డార్క నెస్ నెవర్ లీవ్స్ అజ్

ఎ మిస్టేక్

యస్ ! సమ్ బర్డన్స్ ఆర్ ఇన్ కమ్యూనికబుల్
అంతే కొన్ని బరువులు మొయ్యాల్సిందే
వైయింగ్ మిషన్ భుజానేసుకొని ఎప్పటికప్పుడు
వెయిట్ అప్ డేట్ చెయ్యాల్సీందే !!
కళ్లకింద క్యారీబాగ్స్ తీసెయ్యటానికి గ్రాఫిక్స్ ఉన్నాయి కానీ
కళ్ళ ముందు కనబడే క్యారీబాగ్స్ తీసెయ్యటానికి ఏ సిజర్స్ లేవు
పాస్ట్ ఈజ్ పాస్ట్ అని చెప్పుకోవటానికి లేదు
పాస్ట్ నీకంటే ఫాస్ట్ గా నీ ఫ్యూచర్ కి అడ్డం పడుతూ ఉంటుంది
తప్పదు బాస్ అనుకొని తలొంచుకొని కాంప్రమైజ్ కావాల్సిందే !!

*******
మిస్టేక్స్ ఆర్ పార్ట్ అఫ్ ది డ్యూస్ , వన్ ఫేస్ ఫర్ ఎ లైఫ్ టైమ్ యార్
మనం గతాన్ని పరిక్షగా చూసే సమయంలో అక్కడక్కడ
రెడ్ మార్క్స్ పెట్టుకొని కొట్టేసుకున్నా, మార్క్స్ తగ్గక తప్పదు
ఇంపాక్ట్ రిజల్ట్ మీద ఉండకా తప్పదు .
పొరపాటున పర్మినెంట్ టాటూ పొడిపించుకున్నాక
కవర్ చేసుకున్నా కన్పించకుండా పోదు .
ప్లాస్టిక్ సర్జరీ చేయించుకున్నా రియలిస్టిక్ లుక్ ఉండదు

*******
రిమోర్స్ ఈజ్ ద పాయిజన్ ఆఫ్ లైఫ్ అన్నది నిజమే కానీ
స్నేక్ తింటుందని ఎలుకలన్నీ ఏరి తెచ్చి
ఇచ్చుకున్నా, పాము కాటెయ్యక మానదు
యాంటివెర్నమ్ ఇంజక్షన్ లేకపోవటం బ్యాడ్ లక్ కానీ
స్నేక్ బైట్ ఈజ్ క్వైట్ కామన్ !!

******

మైండిట్ !! ద సిన్ విల్ చేజ్ యూ ఆల్వేస్
ఆనెస్టీ గా తప్పొప్పుకోవటమే బెటర్
మిస్టేక్స్ అండ్ రిగ్రెట్స్ ఆర్ పార్ట్ ఆఫ్ లైఫ్

బంగారు రాజ్యం

వాకిట్లో కొంచెం రోజ్ వాటర్ చల్లేసి

అహ్వానించేశాక  అందరూ

ఆత్మీయ అతిధులే

వీరాధివీరులే

రణరంగ ధీరులే

ఉద్యమ రధసారధులే.

రధం లాగే గుర్రాలదేముంది

ఆఫ్ట్రాల్ ఉలవలు తినేవి.

కొరడా ఉన్నోడి చేతిలోనే కదా

పరుగెత్తించే పగ్గాలు .

గ్యాలప్ హార్స్, గ్యాలప్

యుద్దం ముగిశాక

పచ్చగడ్డి  కోసం కూడా పరుగులెత్తాలి .

బాగా అలవాటు చేసుకో .

 *********

పాదుకాపట్టాభిషేకం కి ప్రామిస్ చేసి

ఫారెస్ట్ నుండి బయటకు రాగానే పక్కనేసి

పదవిలో కుదురుకున్నాక

కోదండం కూడా దండగమారి ధనస్సే అవుతుంది

అయోధ్య ఒక మిధ్యాపురి అవుతుంది.

అందర్ద్నీస్వాగతించాక జరిగే

మద్యపాన విందులో సైనికుడి పని

మౌనంగా కాపలా కాయటమే అవ్వాలి కాని,

గ్లాసు పట్టుకొని రిలాక్స్ అవుతాను అంటే

రూల్స్ ఒప్పుకోవు

దేశం ఏదైనా సోల్జర్స్ ఎప్పుడూ

 రూలర్స్ చెప్పింది

ఫాలో కావాల్సిందే ,

సో మైడియర్  సోల్జర్

బీ సైలెంట్

డోంట్ మేక్ నాయిస్ .

*********

కోటలోనే కాదు, దేశంలోనే

నిశ్శబ్దం నింపెయ్యటమే

నిఖార్సైన విజయం

మంత్రించి సాధించబోయే బంగారం కోసం

వరుసల్లో నుంచొని

ఇంట్లో ఉన్న ఇత్తడి ముక్కలన్నీ

సమర్పించి తలెత్తకుండా

వెనక్కి తిరిగి పరిగెత్తటమే

సిసలైన పరుసవేది సిద్ద మంత్రం

పరమాన్నం ఆకులో పెట్టిస్తే

ఉన్నవన్నీ పళ్ళెంలో పెట్టి

సమర్పించి తప్పుకోవటమే

పరమ రాజభక్తి

రాజభక్తులందరినీ

ఫొర్ట్ కి కాపలా పెట్టి

కంఫర్ట్ గా నిద్రపోవటమే

అసలైన డెమోక్రసీ

హెన్స్ వుయ్ కెన్ సే ప్రౌడ్లీ  

  బంగారు రాజ్యం జిందాబాద్ 

డిసర్టడ్ విలేజ్

ఎర్రటి మట్టి రోడ్డు
దాన్ని నిలువుగా ఖండిస్తూ నల్లటి తార్రోడ్డు
దాన్నిండా కిక్కిరిసిన ఆధునికత
దూరంగా కనిపిస్తున్న ఫాక్టరీ గొట్టం విడుస్తున్న కుబుసం
అన్ ఫోకస్ లో కనిపించీ కనిపించని ఒక గ్రామం
దిస్ ఇస్ ద బిగినింగ్ షాట్
నవ్ లెట్స్ గో క్లోజ్ టూ దట్ విలేజ్
********
వట్టిపోయిన చెరువు, వడలి పొయిన కలువ పూలు
గడ్డి కోసం వెతుక్కుంటున్న పశువులు
నిలువెత్తు దుమ్ము పేరుకున్న శివాలయం
జూం ఇన్ ...
ఇక్కడుండే బిచ్చగాళ్ళు అండ్ బుడబుక్కల వాళ్ళు ఎక్కడ ?
దీజ్ కారెక్టర్స్ ఆర్ మిస్సింగ్ ,కాంట్ డూ ఏనీథింగ్
లెట్శ్ ప్లే ఏ పాథోస్ సాంగ్ ఇన్ బ్యాగ్రౌండ్
*******
కెమేరా కొంచెం రైట్ సైడ్ కి....
ఖాళితనంతో నిండిపోయిన వీధులు
గాలితో కలిసి తిరుగుతున్న నిశ్శబ్దం
ఊరంతా పరుచుకున్న ఒంటరితనం
పడిపొయిన మొండి గోడల్లా అక్కడక్కడా మనుషులు
ఫ్రేం లో ఒక్క నవ్వు ముఖమైనా కనిపించదే
హొ కెన్ ఫిల్ ద ఫ్రేం విత్ దిస్ డ్రైనెస్
*********
ఎండిన వేప చెట్టూ చుట్టూ రౌండ్ ట్రాలీ
ఫౌర్ గ్రొండ్ లో ఆకులు రాలిన కొమ్మలు
వెనక మసగ్గా చెమటలు కక్కుతున్న ఆకాశం
చూడటానికి వచ్చిన కొన్ని చీకిపోయిన పంచెలు
చొక్కాలు లేని నాలుగు లాగులు
మధ్యాహ్న భోజనం విదిల్చిన మెతుకులు
నో నీడ్ ఆఫ్ రీ రీకార్డింగ్ దిస్ ఎమోషన్ ఈజ్ ఎనఫ్
*********
పల్లెనుండి జనం ఫేడ్ అవుట్ అయ్యాకా
మిగిలే ఫ్రేం అంతా జస్ట్ ఎ సిల్హొట్ షాట్
చీకటిలో కరుగుతున్న నీడ తప్ప
ఏ వెలుగు కనిపించదు
ఇక మిగిలేదంతా
రాములోరి గుడి కూలిపోయాక
గట్టు మీద వట్టిగా పడున్న
వంటరి ఆంజనేయుడి బొమ్మే
అందుకే లెట్స్ ప్యాకప్
ఎక్కడైనా విలేజ్ సెట్ వేసుకుందాం

దోడ తిత్తివా

అతనో ప్రవాహం
సుజల జ్వలిత గోదావరి తట
జీవిత , తాడిత , పీడిత, కోయ, సవర
గదబ, చెంచుల రణన్నినాదం
అనగనగా ఒక అరుణ్ , అనగా ఒక కవి
ఇంకా విపులంగా చెప్పవలెనన్న ఒక విలేఖరి
మరింత విపులీకరించి, వివరించవలెనన్న
ఒక మేల్ కొలుపు గీతా సాగరుడు.
వెరిసి అతనొక "షాన్ "

* * * * * *

ఎక్కడో వినిపించీ వినపించని కొమ్ముబూర శబ్దం
బహుశా బ్యాగ్రౌండ్ మ్యూజిక్
ఒక ఇంటలెక్చువల్ విన్నపం అనుసరించి
ఇప్పుడొక ప్రాయోజిత కార్యక్రమం
సీదర సెంద్రయ్య రేల పాట
"రేలరేలరేల రేరేలా రేల రేలా రేరేలా "
రిధమిక్ గా సాగిపోతున్న పాట
"యు నో ! ఇట్స్ ఎ బ్యూటిఫుల్ మ్యూజిక్
ఈ సాంగ్ పాడే ట్రైబ్స్ ఆర్ గోయింగ్ టూ వానిష్"
విషాదంగా గొంతులోకి దిగుతున్న షాంపేన్
మెట్రో సిటీ లోని కాస్మోపాలిటన్ క్లబ్బుల నిండా
నిషా నింపుకున్న కళ్ళకు కూడా ఫ్రేం అంతా
బ్లర్డ్ విజన్ లో మాయమవుతున్న రావిచెట్టును
పిట్టను పరిచయం చేసిన రిలాక్స్ ఎరుగని హెర్క్యులెస్

* * * * *

పాపి కొండల నడుమ వంపు తిరిగిన
ఆ నదిని గాడాలింగనమున చుంబించి
తొలిప్రేమల రహస్యాలను దమ్మక్క చెవిలో చెప్పి
రాముడితో గోదారికి రాయబారమంపిన ధీశాలి
*పీకే కి తునికాకు పళ్ళిచ్చి , వనం కోసం ఎడారిలో
అంజనం వేసి అచ్చు అమ్మ గొంతుతో *దోడ తిత్తివా
అని ప్రేమతీరా అడిగిన కరుణ సాగరుడు .

* * * * * *

అవేర్ ఆఫ్ ఆల్ దీజ్ థింగ్స్
ఒక్కటే ప్రశ్న బ్రో !!
ఓ అరుణ సాగరుడా
నీ కవిత్వాన్ని
జర్నలిజాన్ని , అడవిబిడ్డల్ని
వదిలి ఎందుకు వెళ్ళావు ??
ఐ నో యూ విల్ బీ దేర్ ఎట్
ద మీటింగ్ పాయింట్ ఆఫ్ స్కై అండ్ ఎర్త్
సుదూర తీరం నిండా నువ్వే గోదారంతై పరుచుకున్నావు
అగైన్ ఆవేర్ ఆఫ్ దీజ్ థింగ్స్
కొన్ని ప్రశ్నలు
దిగులు దీపపు స్తంభపు నుండి రాలుతున్న కాటుక చీకటి
నయనాల నిండా నిండిపోయి పొర్లుతున్న
దు:ఖాశ్రువుల ను ఏ లేపనాలు
పూసి తగ్గించాలి ??
చెట్టుకొకరు పుట్టకొకరుగా చెల్లాచెదురవుతున్న
నిర్వాసితుల నివేదనా గాధలు ఎవరు వినాలి ?
ఇప్పుడు కురసం ముత్తమ్మ
వనమంతా తిరిగి తిరిగి ఏరుకొచ్చిన
తట్టలోని రేగిపళ్ళు ఎవరు తినాలి ?
సీతాకోకచిలుక రెక్కలంచు కోకా రవికల
నేరేడు రంగు పీకే తెచ్చిన ఇప్పసారా ఎవుడు తాగాలి ??
ఇయన్నీ పోనీ గానీ
అన్నా ! అరుణన్నా !!"దోడ తిత్తివా " అన్నా !!

* పీకె == కోయ భాషలో పిల్ల
* దోడ తిత్తివా = కోయ భాషలో "అన్నం తిన్నవా

అబిస్టినేట్ బాస్టర్డ్

టెస్టోస్టిరాన్ ని భుజాల మీద వేసుకోని
ఊరేగే స్పెర్మెటజోవాలు
ఊరంతాపరచుకొని,
ఎక్కడైనా ఈస్ట్రోజన్ జాడలు
కనిపిస్తాయోమోననని స్ట్రీట్సన్నీ తిరిగేస్తున్న
చిత్తకార్తె రాత్రి లో
 నగరం వీధి... వీధి
తిరుగుతుంది
పెల్విక్ త్రష్ట్ కోసమే పుట్టిన
 పర్వర్టేడ్ మేల్ చావోయిజం
ఊడలమర్రిలా నడిబొడ్డూన ఊరేగుతుంది
మస్కులైన్ మోరోన్
సెక్స్ కొసం ఫీనిక్స్ పక్షిలా
ఎన్ని సార్లు కాల్చి బూడిద చేసినా
మళ్ళీ మళ్ళీ వైరస్ లా పెరుగుతుంది
సమాజం మొత్తం ఫార్మాలిన్ సొల్యూషన్ లో
తేలాడే చచ్చిన శవం లా పడుకొనుంది
అడుక్కో అబిస్టినెట్ బాస్టర్డ్ తో
నిండిపోయిన
మోడరన్ సొసైటీ లో ఫెమినిజమో ఇల్యూజన్
ఇది ఇంబసైల్ సివిలిజైషన్ బాస్
ఇక్కడ రివల్యూషన్ కి నో చాన్స్
ఫిమేల్స్ ఆర్ బార్న్ టు బేర్ ద ఫ్రస్ట్రేషన్స్
ఎన్ని జనరేషన్స్ చేంజ్ అయినా
ఎప్పటికీ ఇదే సోషల్ జస్టిఫికేషన్
అన్ రిటన్ కాన్ స్టిట్యుషన్ ప్రకారం
అమలవుతున్న రూల్స్ లో
వుమెన్ ఆల్వేస్ ఎ సెకండరీ సిటిజెన్
హెన్స్ మై డియర్ మహిళా తెలుసుకో
ఈ సొసైటీ మేల్స్ దే కానీ మీది కాదు
గో ఎవే ! ఫ్రం దిస్ వరల్డ్,
ఇక్కడ ఉండొద్దు ...,
ఉంటే.......
ఏ నైట్లో , ఎక్కడ నేకెడ్ మార్చ్
చెయ్యాల్సి వస్తుందో
ఏ డే లో , ఏ మోంగ్రెల్ లస్ట్ కి
బలి కావాల్సివస్తుందో.....
గో బ్యాక్ టూ వీనస్
డోంట్ స్టే హియర్

యుద్దానికో కాలం

యుద్దం ఓడిపోయావు సరే !
ఇప్పుడు తిరిగి యుద్దం
ఎక్కడి నుండి ఆరంభిస్తావ్ !!
గతం నుండా ! వర్తమానం నుండా !
భవిష్యత్తు ఆశాకిరణం మీద మెరుస్తున్న
విజయపు వెలుగుల నుండా !!
ఎక్కడనుండి ??

కాలం మొత్తం కత్తుల వంతెన అయి పయనం సాగుతున్నప్పుడు
వేసే ప్రతి అడుగు ఊఫిరి పోస్తూనే ఉంటుంది
ఊపిరి తీసుకున్న ప్రతి సారి కొత్త ఉనికి దొరుకుతూనే ఉంటుంది
రెండు కన్నీటి బొట్లుగా గడిచిన కాలం మిగిలిపొయాక
నీటి పొర వెనుక నుండి
మసగ్గా అయినా రేపు నవ్వుతూ కనిపిస్తుంది
గతం మొత్తం పొలుసులుగా రాలిపోయి ,
వర్తమానం నిలుచున్నప్పుడు
చిన్న కదలిక కూడా అశగా నిలుస్తుంది .
మునుపెప్పుడో పుట్టిన ప్రవాహం
నేడిక్కడ నీటిబొట్టు కూర్చుకుంటుంది
మున్ముందు సముద్రాన్ని డీ కొడుతుంది

ఎన్నాళ్లని గతం చూరును పట్టుకొని చూపులేని గభ్భిలం లా వేలాడతావు
రేపటి వర్తమానాన్ని సూరీడు కన్నా ముందే చూసే పక్షిలా మారిపో
అందుకే గతం చేతులు కడిగి
ఈరోజు ను నిండా పులుముకొని
వచ్చే విజయాన్ని హత్తుకోవాలి
పూడ్చేసిన దుఃఖపు సమాధుల నుండి
ఇప్పుడు కురుస్తున్న కన్నీటి వర్షం మొత్తం తాగేసి
నువ్వొక నవ్వే పువ్వై మెరవాలి

బలికత్తి

అక్కడ చెట్లకు కొమ్మలంత
సహజంగా ఉరితాళ్ళు
ఆకులంత సహజంగా కన్నీళ్ళు.
మంద్రంగా వీచే మరణపు గాలులు
గాలుల్లో కలిసి వినిపించే నినాదాలు
ఆ పెనుగాలుల మధ్య ఎగిరిపోతూ
ఎవరికీ చిక్కని ఒక చిన్న కాగితం

* * * * * * * * *

ఎవ్వరు చచ్చారో తెలుసు
ఎక్కడ చచ్చారో తెలుసు,
ఎందుకు చచ్చారో తెలుసు
ఆ చావు పుట్టింది ఎక్కడో
ఎవరికి తెలుసు !!??
కారణం తో పనేముంది కానీ
చావు మాత్రం అందరికీ పండగే
చచ్చాకా శవం నిండా దండలే !!
బ్రతకటమే మరీ దండగమారిది

* * * * * * * * * * *

మనువాదపు మండువా లోగిలి
బలి కోరింది సరే !!
మరోవాదపు వెలివాడలు కూదా
లాలించకపోతే ఎలా
ఇద్దరూ చెరో కొస అయి లాగితే
పెగలని గొంతు కి చిరునామా
శాశ్వత మౌనమేగా !!
భావజాల ఘర్షణలో బలి కత్తి
ఎప్పుడూ చూసేది బర్బరీకుడి కోసమే
నక్షత్ర ధూళి నుండి మసక మసగ్గా
కనిపిస్తున్న భూగోళం చూసి
ఆ తల పలికేదొక్కటే !!
"మోసం ! మోసం ! మోసం !"

హ్యాంగ్ మ్యాన్

హ్యాంగ్ మ్యాన్ ! హ్యాంగ్ యువర్ బాడి !

ఏ కరెంట్ పోల్ కో, కాకపొతే కనపడే చెట్టుకో

ఎక్కడో ఒక చోట, కంఫర్ట్ ఈజ్ యువర్స్ బాస్ !!

ప్లేసు కాదు ముఖ్యం, చావటం  ముఖ్యం

రెండు నిమిషాలలో పోయే నీ ప్రాణానికి

రెండు నిమిషాల మౌనం, రెండు లక్షల పరిహారం

 మీ ఇంటి కథ ఇంతటితో సమాప్తం ,

మరో మరణం  మరో చోట ప్రారంభం .

సేమ్ స్టోరీ,  సేమ్ రిజల్ట్ , కాకపోతే కాస్టింగ్ చేంజ్

దట్స్ ఇట్ !! ఆల్ ఓవర్ !

అయినా నీమీద మెర్సీ చూపించటానికి

నువ్వేమైనా ఇండస్ట్రియలిస్ట్ వా !!

ఆఫ్ట్రాల్ ఫార్మర్ వి !! పొతే ఎంత ? ఉంటే ఎంత ?

ఎకనామికల్ గ్రోత్ లో నీ పాత్ర నధింగ్

అసలే రెసిషన్ తో సతమతవుతున్న సొసైటి.

నీ సూసైడ్ ప్రాబ్లమ్ కి సొల్యుషన్ చూసే టైమ్ ఎక్కడ ?

సూపర్ బజార్లో దొరికే రైస్ బ్యాగ్ ప్రైస్ పెరిగింది

అని బాధ పడే హై క్లాస్ కన్జ్యుమర్స్ కి మాత్రమే ఇక్కడ ప్లేస్ .

పండించే నీతో మాకేమి పనిలేదిక్కడ , కావాలంటే పంటలన్నీ

ఇంపోర్ట్ చేసుకోగల ఫారెక్స్ నిల్వలు పోగేసుకున్న దేశం

అయినా “మేకిన్ ఇండియా” అనే మెకనాస్ గోల్డ్ సినిమా ని

స్క్రీన్ మీద చూడాలంటే నీలాంటి రాలిపోవాల్సిన శలభాలు చాలా ఉన్నాయి .

సెన్సెక్స్  ఇండెక్స్ పెరగాలంటే మీ  సూసైడ్స్ కూడా పెరగాలి ,

అనేది సహజ పారిశ్రామిక సూత్రం

అందుకే మై డియర్ ఫార్మర్స్ !

పెస్టిసైడ్స్ పంటకు కాకుండా వంటికి వాడండి

సెజ్ ల కోసం స్పేస్ వదలండి . 

జ్ఞాపకాలు

చాలా రోజుల తర్వాత సముద్రం దగ్గరకు వచ్చానేమో

కొద్దిగా తడిచిన ఇసుక అమ్మవడిలా వెచ్చగా ఉంది 

ప్రశాంతమైన చల్లటిగాలి నాన్న స్పర్శలా  మెల్లగా తాకింది

అటు వైపు చూద్దును కదా , ఊరి లాంటి సముద్రం లో

దూరంగా మెరుస్తున్న నావ మీద దీపం

ఒడ్డుకొస్తూ ఉప్పొంగుతుంది

అక్కడనుండి రెండు అడుగులు వేసి  

కొన్ని జ్ఞాపకాలపల్లీ కాయలను జేబులో నింపుకొని

ఒక్కొక్క కాయ వలుచుకుటూ వెళతాను

అదేమి విచిత్రమో,

గబగబా నాలుగు కాయలు తినేశాక

జేబు నిండుగా

ఉంచుకోలేని, పారవెయ్యలేని

తాలు కాయలు మిగిలిపొ తాయి

ఒక్కొక్కటి ఓపిగ్గా వలిచి చూసుకుంటా !

ఎక్కడైనా శక్తి నిచ్చే గింజ ఒకటైనా

దొరక్కపోతుందా అని !!

అక్కడక్కడా చేదుగింజలు కూడా మింగి

అన్నీ ఖాళీ అయ్యాక ఒక్కసారిగా

పెదవుల మీద చిరునవ్వు బెల్లమ్ముక్క

ఒకటి తియ్యగా అంటుకుంటుంది.

తృప్తిగా అక్కడనుండి తిరిగి బయల్దేరుతా

జస్టిస్

చూడోయ్ వెంకటేశం !
ఎందుకోయ్ ఈ అవేశం
ఏమీ జరగలేదిక్కడ
జరుగుతుంది అన్న ఆశాలేదు
నువ్వు నీ పాటికి ఒకనొక కల కనేసి
అది జరగలేదని బాధ పడిపోయి
న్యాయమో రామచంద్రా !!
అని అరిచేస్తే ఎలాగోయ్ !!

న్యాయం ఏమైనా మధురవాణి అనుకున్నావా
అప్పుడప్పుడు కరుణ చూపించటానికి
అది పచ్చి వెలయాలు రా నాయనా
ఇట్స్ ఎ ప్రాస్టిట్యూట్ దట్ సెడ్యూస్ అల్ కానిస్టిట్యూట్

చూడు మైడియర్ పూర్ క్రీచర్
కాసులున్నోడి కాపు కాయటం
ప్లాట్ ఫాం మీద పడుకున్నోళ్ళను
పూటకూళ్ళమ్మలను , పూట కూలోళ్లను
నిర్మూలించటమే లేటెస్ట్ సోషల్ రిఫార్మ్
సో లెట్స్ హిట్ & రన్
అండ్ హావ్ ఎ ఫన్

ఇప్పుడేదో అర్జంట్ గా సౌజన్యారావొచ్చేసి
జస్టిస్ చేసేస్తాడనుకోకు
ఇది రామప్పపంతులు గారి రాజ్యం రా అబ్బాయ్
ఈవెన్ గిరీశం కాంట్ డూ ఎనీ థింగ్
వాడు బుచ్చెమ్మతో బిజీ ముచ్చట్లలో ఉన్నాడు
ఇప్పుడు చట్టం లుబ్దావధానులు కొనుక్కున్న సుబ్బమ్మ
సో నోరుమూసుకొని సాయంత్రం బండెక్కి చదువుకోవటానికి
కుప్పుసామయ్యర్ మేడ్ డిఫికల్ట్ బుక్కు తీసుకొనొచ్చేయ్
అగ్రహారం పోయి మాంచి పాట ఒకటి పాడుకుందాం
"ఫుల్లు మూను లైటట ... జాసుమిన్ను వైటట ! “