శిశిర రాగం

గడిచిపోయిన కాలాల పాటలలో ఒక శిశిరరాగం మిగిలిపోయింది
గతించిన చీకటి గదిలో ఒక కోయులరాగం మూగబోయింది
విషాదాల అంచులు దాటని ప్రేమను తన గొంతులోనే నొక్కేస్తుంది
ఓ నా మనసా ! ఇంకా నువ్వు ఆ జ్ఞాపకాలలో మిగిలిపోయావా

ఒక ఆత్మాంకిత గానం కలలా నీ కళ్లలో ధ్వనిస్తోంది
తంత్రులు తెగిపోయినా వీణ పాడుతూనే ఉంది
తెగిపడిన చెట్టు కొమ్మ చెట్టు గంధాన్నే స్రవిస్తోంది

పక్షి తనకు తానే పంజారానికి వచ్చి బందీ అయ్యింది
రెక్కలను తెంచుకొని నిస్సహాయంగా ఒరిగింది
కలలన్నిటిని కరిగించి కన్నీరు చేసుకుంది

ఆ కన్నీటి శిశిర రాగం అలా ఆకు అకునా రాలుతూనే ఉంది
ప్రతి చీకటిలో కోయిల మౌనరాగమై వినిపిస్తూనే ఉంది
ప్రేమను విషాదం అంచులు దాటకుండా ముంచుతూనే ఉంది
మనసు జ్ఞాపకాల సుడి గుండంలో అలా మిగిలిపోయింది