గుడ్లగూబ

నేనో గుడ్లగూబనై చూస్తూనే ఉన్నా
గబ్బిలాలు ఇక్కడే వేలాడుతున్నాయి
ఏనుగులు ఇక్కడే ఘీంకరిస్తున్నాయి
కోళ్ళు ఇక్కడే గుమ్మికూడుతున్నాయి
గద్దలు వాటి చుట్టే తిరుగుతున్నాయి
చెట్లన్నీ అకుల్ని రాల్చేస్తున్నాయి
రాలిన ఆకులు నేలను తూట్లుపొడుస్తున్నాయి
నదులు గడ్డ కట్టుకుపోతున్నాయి
వెలుగు నగరాన్ని మింగేసింది
చీకటి వెలుగును కప్పేసింది
కప్పలు నీటి మీద నుండి నేలకొచ్చాయి
నీరుందనుకొని వాటివెంట వచ్చిన
 చేపలు భోజన పళ్ళెంలోకి ఎగిరిపడ్డాయి
అంతా చూస్తున్నా
గుడ్లగూబనై చుట్టూ చూస్తున్నా