అమ్మకం

అమ్మ అంత సహజంగా అమ్మకం అలవాటయ్యాక

మారకానికి పనికిరానిదంటూ ఉంటుందా !

కొనేవాడికి మూడ్ ఉన్నప్పుడు

సరుకు అందివ్వటమే

వ్యాపారంలో విజయ  రహస్యం.

కొనేవాడికి లేని నీతి, బూతు

అమ్మేవాడికుండాలి అనుకోవటమే

అసలైన బూతు

కొన్నంత కాలం అమ్మకం సాగించటమే

సిసలైన ఆర్ధిక నీతి

అసలు ,  అంగాంగం అంగట్లో దొరుకుతుంటే

అందం కనిపించకుండా అమ్మేది ఎలా ??

అమ్మేది ఎవడైనా ,

నీలాగే వాడూ ఒక మారకం దారుడే

అమ్మేది ఏదైనా, ఎవరినినైనా

నీ లాగే అన్నీ అంగడి సరుకులే

అయినా , ఎటూ కొనాలనుకున్నాక , అమ్మకం ఆపేయమని

అరవటం ఎందుకు ?

కావాలంటే రేటులో రిబేటు అడిగి

మొదటగా కొనుక్కోవాలి కానీ

వాణిజ్య సూత్రాల్లో జీవితాలు సర్దేశాక

కళ్ళు మూసుకొని అన్నీ

నిజాలు అనుకొని సుఖించాలి కానీ

కళ్ళు తెరిచి దు:ఖించటం ఎందుకు

టేకిట్ ఈజీ ! లెట్స్ సెలబ్రేట్ దిస్ ఈవెంట్

అమ్మటానికి మనకో కొత్త ప్రోడక్ట్ దొరికింది

అమ్మేద్దాం ! దట్సాల్ !