సరిగా గుర్తు
పెట్టుకో
నీలం నిక్కరు, ఎర్ర చొక్కా ప్రతిచోట
స్కూల్ యూనిఫామే
కానక్కర్లేదు
శరణార్ధుల
మరణానికి
వేసిన చిన్నారి
తొడుగు కూడా కావచ్చు
బీచ్ లో
పడుకున్నవారిలో
హాలిడే
ఆస్వాదించే వారే కాదు ,
ఆయువు తీరిన
చిన్నారులు ఉంటారు
‘జాస్మిన్’
పందిరి మొదల్లో ఆంకుల్ శాం వదిలి వెళ్ళిన
అనకొండ ‘ఐసిస్’
అని బుస కొడుతుంది
మన్నులో ఉన్న
ఆయిల్ కోసం, మనుషుల మీద
ఆయిల్ పోసి
రాజేసిన అగ్గి ఆరకుండా మండుతోంది
సెర్బియన్, సిరియన్, లిబియన్ ఎవరైనా భయం గుప్పిట్లో
ముడుచుకొని
పడుకోవాల్సిందే .
కాదని
మొండికేసి బతుకు కోసం
బయల్దేరితే కసిగా
కాటెయ్యటానికి మెడిటేరియన్ సీ
సిద్దంగా ఉంది
కంచె దాటితే ఆకలి
తీరుతుంది అనుకోవటానికి
అంతర్జాతీయ
సమాజమేమి అమ్మ కాదు అన్నం పెట్టటానికి
హోం లెస్ పీపుల్
ని కడుపులో పెట్టుకోలేని రూత్ లెస్
సిటిజెన్స్
నడియాడూతున్న
నరమేధపు నేల.
అందుకే ఇప్పుడు
అందరూ బోట్లెక్కి నీట్లోకి దూకండి
అబ్దుల్లానో,
అయలాన్ కుర్దీనో ఎవరో ఒకరిని అనుసరించండి
ఏదో ఒక తీరానికి
ఖచ్చితంగా శవాలై చేరుతారు
అంత్యక్రియలకు
ఐక్యరాజ్యసమితి నిధులు బాగానే పోగేసింది
బీ రడీ టూ డై !
వరల్డ్ వాంట్ టూ సెలబ్రేట్ ఇట్
కామెంట్లు లేవు:
కామెంట్ను పోస్ట్ చేయండి