నా జీవితమే
నీకు రాసి ఉన్నప్పుడు
అది నేను తెలుసుకోలేనప్పుడు
నా పక్కన ఉన్న నా ప్రేమని
గుర్తించలేనపుడు
వెతుకుతునే ఉన్నా
స్వర్గం కోసం.
గాలిస్తునే ఉన్నా
ఆనందం కోసం.
ఇలా శోధిస్తూనే ఉన్నా , ఒక అన్వేషి లా
సప్త సముద్రాల అవతల స్వప్న సుందరి కోసం,
కలల బేహారినై.
ఒక్కసారిగా నా కలల కేమయ్యిందో
బహుశా అది కేవలం కలే అని కళ్ళకు
అవగతమయ్యిందేమో ,
అప్పటికి
నీతో నేను ప్రేమలో
మునిగి లేను
అయినా నా హృదయం
స్పందిస్తూనే ఉంది
నీ పేరు సాక్షిగా,
అప్పుడు
మేల్కొని చూశా
నా భ్రమలను తొలిగిస్తూ
నా కళ్ళెదురుగా నవ్వుతూ
స్వర్గం, ఆనందం
రెండు చేతుల్లో ఉంచుకొని
ఆహ్వనిస్తూ నువ్వు
కామెంట్లు లేవు:
కామెంట్ను పోస్ట్ చేయండి