ఋతుగమనం

నా ఈ దారిలో  ఎవరో ఒకరు ఏదో ఒకరోజు నాకెదురువుతారు
నేనెప్పుడూ ఆశగా ఎదురు చూసే నా ప్రియనేస్తం రూపంలో
నీకు తెలుసా, నన్ను ఈ దారిలో ఆనందంగా నడిపించేది ఆ అశేనని
ఈ ప్రయాణంలో ఎన్నో గతి తప్పిన ఋతువులు చూశాను
చిగుళ్ళు తొడగని మావిళ్ళని, పాట పాడని కోయిలని చూశాను
కాని నా ఈ ఒంటరి ఋతువు ఏదో ఒక ఋతువుతో తప్పక కలుస్తుంది
నేను నిలుచొని ఎదురుచూస్తే ఎవ్వరూ రారని నాకు తెలుసు
అందుకే  ఎవరికోసమో తెలియకున్నా నేను యోజనాలు నడుస్తాను
శత సహస్ర యోజానాలైనా ఆనందంగా నడుస్తాను
నాకు నా మనసు మాట ఇచ్చింది,
నా ప్రియనేస్తంతో నన్నుతప్పక కలుపుతానని,
నేను తప్పక నమ్ముతాను నా మనస్సాక్షిని
అందుకే నేను నా నడక ముందుకు సాగిస్తూనే ఉన్నా
కాలిబాటనై
అనుకోకుండా ఏదో అలజడి, బహుశా
ఏదో ఋతు ఆగమన సవ్వడేమో, ఒక్కసారి
ఆ అగమనమైతే నిష్క్రమణం ఉండదు కదా
ఎందుకంటే నేను ఆ ఋతు గమనంతో పాటు
పవనమై సాగుతూనే ఉంటాను,
నాకు గాలి అయినా, బాట అయినా ఒకటే ,
ముందుకు సాగటమే కదా నాకు తెలిసింది