గాలిగీతం
నాకు తెలుస్తుంది నా చేతల్లో
నాకు తెలుస్తుంది నా నడకల్లో
నువ్వు నా చుట్టే ఉన్నావని
ఇంకా ఇంకా దగ్గరౌతున్నవని
గాలి అదే గీతాలు రాస్తుంది
నన్ను క్షణమైనా వదలకుండా
నాకు తెలుసు నువ్వు నన్ను ప్రేమిస్తున్నావని
నా కళ్ళముందు వచ్చి కనిపించు
నీకు తెలుసు నేను ప్రేమిస్తున్నానని
ప్రేమిస్తూ ఉంటానని
నా హృదయం అదే నినదిస్తుందని
దీనికి అద్యంతాలు లేవని
అది నీకే నివేదిస్తుందని
నా కళ్ళ ముందు నువ్వు కనిపిస్తున్నావు
నేను నా హృదయ గవాక్షం నుంచి చూస్తున్నా
నాకు అన్నీ గుర్తుకు వస్తున్నాయి
నువ్వు చెప్పిన ప్రతి మాట, పాడిన ప్రతి పాట
నేను నీ దగ్గర ఒక మాట తీసుకున్నాను గుర్తుందా
నాకు తోడు కావాలని, నేను చేసే ప్రతి పనిలో
అందుకే
నేను ముందుకు సాగుతూనే ఉంటాను
గాలి అదే గీతాలు రాస్తూ ఉంటుంది
నన్ను క్షణమైనా వదలకుందా
కామెంట్లు లేవు:
కామెంట్ను పోస్ట్ చేయండి