సంఘసంస్కర్తలం

మనంతా సంఘ సంస్కర్తలం,
ఫేస్ బుక్ గోడలపై రాతలు రాస్తాం
దాంతో అందరి తల రాతలు మారతయాని తలపోస్తాం
మారాయనకొని తలుపులు మూసేసి మర్చిపోతాం
మారనప్పుడు మారని సమాజాన్ని నిందిస్తాం
మనం మేధావులం
సమాజం పనికి రాదని నిర్ణయిస్తాం
సమాజం చెడిపోతోందని కన్నీరు కారుస్తాం
ఎందుకూ పనికి రాదని నిందిస్తాం
మన మాటలు వినలేదని వదిలేస్తాం
మనం నిజంగా మేధావులం , సంఘ సంస్కర్తలం
గొప్పవాళ్ళం, అందుకే మనం సమాజాన్ని వదిలేద్దాం
మనం ఈ గోడలు దాటి మనం రావటం కష్టం
వస్తే మనల్ని ప్రశ్నిస్తుంది ఈ బుద్ది లేని సమాజం
ఆ ప్రశ్నకు మన దగ్గరఉండదు సమాధానం
అయినా మనల్ని ప్రశ్నిస్తుందా ఈ పాడులోకం
అందుకే అంటున్నాను మనం మేధావులం
మనకొద్దీ సమాజం , మనకు మనం తొడుక్కుందాం
భుజకీర్తులు, పెంచుకుందాం భజనబృందం
మనకు తెలియకుండా మనం ఫేసుబుక్కూపస్తమండూకాలం