అదుగో అద్దంలో ఇద్దరు కనిపిస్తున్నారు
ఒకరు నేను మరొకరెవరో
అదుగో మరొకరు మింగేస్తున్నారు నన్ను
నేను చచ్చిపోతున్నాను నవ్వుతూ
మరొకరు పెరుగుతున్నాడు బలంతో
మరొకరి మొహం కూడా నవ్వుతూనే ఉంది నాలాగే
చూశాను అతని మనసు కనిపిస్తుంది వికృతంగా
పాము బుసల శబ్దం ,అతను శ్వాస తీసుకుంటున్నాడు
అడవి నక్కల ఊళ, అతను చూస్తున్నాడు
శవాల కపాల మోక్షం, అతను మాట్లాడుతున్నాడు
రక్కసి దెయ్యాల నాట్యం, అతను నడుస్తున్నాడు
మనిషిని పూర్తిగా చంపేశాడు,
అదుగో మళ్ళీ అద్దంలో చూశాను
ఒక్కరే కనిపిస్తున్నారు, అది మరొకరిలా లేదే
ఎవరు అది, ఆ కన్సించేది ఎవరు , నేనా?
నేనేనా...........ఆశ్చర్యం, నేనే
అది నేనే, అవును నేనే
నాలోని మనిషిని చంపింది నేనే
నేనిప్పుడు మనిషి ని కాని నేను
కామెంట్లు లేవు:
కామెంట్ను పోస్ట్ చేయండి