కార్మికుల పండగ, కర్షకుల పండగ
కార్మికుల కొత్త పేరు కార్పోరేటు ఎంప్లాయి
బ్లూ కాలర్ నుండి వైట్ కాలర్ వరకు రూపం మార్చుకొంది
రూపం మారింది కాని దాని గుణం మారలేదు
పాతరోజులే నయం ,కనీసం పోరాటమైనా చేసేది
ఇప్పుడు ఆరాట పడుతుందే తప్ప పోరాటం మర్చిపోయింది
బ్లూ కాలర్ ఉన్నప్పుడు కనీసం హక్కులైనా ఉండేయి
వైట్ కాలర్ కి మారాక పింక్ స్లిప్ లే మిగిలాయి
కార్మికుడి కి టార్గెట్స్ తో పాటు టైమింగ్స్ కూడా ఉండేవి
కార్పోరేటు ఎంప్లాయి కదా టైమింగ్స్ లేవు , స్ట్రెస్స్ ఫుల్ నెస్ తప్ప
ఓటి లైనా దొరికెయేమో ఆ లైసెన్స్ రాజ్యంలో
టీ నీళ్ళు కూడా దొరకవు ఏ సైలెన్స్ రాజ్యంలో
ఇంటికి మూరెడు మల్లెపూలు తీసుకెళ్ళెవాడు ఫాక్టరీ నుంచి వెళ్తూ
ఇక్కడ గుప్పెడు మందు బిళ్ళలు తీసుకెలుతున్నాడు కంపెనీ నుండి వెళ్తూ
వీరి కోసం నినదించే గొంతులు లేవు, వీరికి గొంతులు పెగలవు
ఉద్యమాలు లేవు, ఉరకలెత్తే ఉత్సాహాలు లేవు
వీరికి మేడేలు లేవు, , రావు,
కామెంట్లు లేవు:
కామెంట్ను పోస్ట్ చేయండి