ఆర్తనాదం

ఆర్తనాదం

వినిపించని ఆర్తనాదం , అగుపింఛని ఆక్రోశం
తల్లి భారతి గర్భాలయాన్ని కూల్చేస్తున్న కామ దాహం
ధర్మ భారతి గుండెలను కాల్చుతున్న అగ్ని దాహం
పసిమొగ్గలను చిదిమేస్తున్న వికృత కేళి విలాసం
విలువలన్నీ శిలువ వేసిన విలయ మూకల వీధినాట్యం
నిలుచున్న నీడలే కాటేస్తుంటే మాతృమూర్తుల దైన్య రోదనం
అడుగడుగునా మహిళామూర్తుల పరాభవ పర్వం
కళ్ళకున్న గంతలు చీకట్లు తప్ప ఏది చూడలేని న్యాయం
అధికారం కాక మరేది కానరాని ప్రజాస్వామ్య ప్రభుత్వం
చూస్తు, చూస్తూ, చస్తున్న సభ్య సమాజ స్మశానం
ఇప్పటికైనా తుదముట్టిందాం ఈ ఘోరామనుషం
దానికి నాందిగా నీ గొంతులో వినిపించాలి రణన్నినాదం
అష్ట దిక్కులు పిక్కటిల్లేలా నారీ భేరీనాదం